Сүмоч гишүүн “экс” эхнэртээ гар татжээ

Нийгмийн толь сонин

Нэгэн үе арлын улсад мэргэжлийн сүмогийн дэвжээг эзэгнэж явсан Кёкүшюзан Д.Батбаярын улс төрийн од нь гийснээс хойш багагүй хугацаа өнгөрлөө.

Төр түшилцэн олны хайртай дуучин бүсгүйтэй дэр нэгтгэн нуган үрийн зулай үнэрлэсэн тэрбээр өнгөрөгч бямба гаригт “экс” эхнэр н.Буянбилэгээсээ гэр бүлээ цуцлуулах шүүх хуралд оролцсон аж.

Гэтэл эрхэм гишүүн салсан эхнэртээ хоёр хүүхдээ даатгаж үлдээснээр барахгүй өв хөрөнгө өвлүүлэхгүй хэмээн нэлээн гүрийсэн сурагтай. Ямартай ч дуучин бүсгүйтэй нэг гэрт ороод байгаа сүмоч гишүүн хувийн телевиз, эмэгтэйчүүдийн эмнэлэг хүртэл байгуулаад амжсан.

Харин “Кекүшюзан сан”-гийн тусламжийн санд сохор улаан зоос ч хандивлахаа больсон тухай ажилтнууд нь шивэр авир хийх болов. Энэ нь нэг талаар оюутан байхаасаа л гөөхийний цех хүртэл ажиллуулж, эсвэл хоолойгоо сөөтөл дуулж байж өөрийнхөө чадлаар хэдэн төгрөг олдог байсан Т.Баясгалантай холбоотой хэмээн зарим нэг хүн “цайны хачир” болгож байх юм.

О.Мөрөн