Иргэдийг дунд сургуулийн байранд нүүлгэн шилжүүлжээ

Өчигдөрийн хүчтэй аадар борооноор нийслэлийн Хан-Уул дүүргийн 12-р хороо Биокомбинатын орчим далан сэтэрсэн байна. Харин 23.00 цагийн үед үерийн даланд ойр байсан айлуудыг тус хорооны дунд сургуулийн байраны анги танхим чөлөөлж иргэдийг нүүлгэж үер автагдаж болзошгүй байдлаас сэргийлсэн арга хэмжээг авчээ. Хотын захирагч Г.Мөнхбаяр, Нийслэлийн Хот төлөвлөлтийн хэлтэс, Хан-Уул дүүргийн Засаг Дарга Ж.Ганхуяг, Тамгын газрын дарга болон холбогдох байгууллагуудын удирдлагууд газар дээр нь ажилласан бөгөөд  Зэвсэгт хүчний 132-р анги, Дүүргийн цагдаагийн хэлтэс, хорооны хэсгийн ахлагч нар өглөөний 06.00 цаг хүртэл дайчлагдан ажилласан байна.